2024 жылғы 12 маусымда Экология және табиғи ресурстар, Энергетика, Сыртқы істер министрліктерінің, сондай-ақ «Атамекен» ҰКП тұрақты даму жөніндегі кеңесінің және ESG-нің қатысуымен БҰҰ-ның Климаттың өзгеруі жөніндегі негіздемелік конвенциясының (СОР29) 29-шы отырысына дайындық жөніндегі мүдделі мемлекеттік органдардың, ұлттық компаниялардың, бизнес-қоғамдастықтың қатысуымен бірлескен кеңесі өтті, ол 2024 жылдың қараша айында Баку қаласында өтеді. Онлайн және офлайн қатысушылардың жалпы саны 140 адамды құрады.

Бүгінгі таңда климаттың өзгеруі мәселелері бойынша келіссөздер тобы құрылды, оған мемлекеттік органдардың, «Жасыл даму» АҚ ведомстволық бағынысты ұйымдарының, «Қазгидромет» РМК өкілдері, сондай-ақ ұлттық сарапшылар кірді.

Экология және табиғи ресурстар министрі Е. Нысанбаев іс-шараның маңыздылығы мен қазақстандық делегацияны дайындау бойынша күш-жігерді шоғырландыру қажеттігін атап өтті.

Сыртқы істер министрінің бірінші орынбасары А. Рахметуллин Мемлекет басшысының СО29 алаңындағы әлемдік көшбасшылар саммитіне қатысуын пысықтау қажеттігін атап өтті.

Энергетика вице-министрі Б.Ілияс Энергетика министрлігінің төмен көміртекті энергетиканы дамыту, метан шығарындыларын азайту, әділ энергетикалық ауысу шеңберінде жүргізіп жатқан ағымдағы жұмысы туралы айтты.

Өз кезегінде, мүдделі тараптар Қазақстанның SOR29-ға ұсынуы үшін бастамаларды жариялады.

Естеріңізге сала кетейік, СОР28-де Қазақстан метан шығарындыларын азайту жөніндегі жаһандық уәдеге қосылды.

Ақпарат көзі: Министерство экологии, геологии и природных ресурсов Республики Казахстан