Министр өз құттықтауында Мәдина Жарбосыноваға әйелдердің құқықтары мен мүдделерін қорғау жөніндегі мақсаттарға қол жеткізуде жемісті еңбек тіледі.Азамат Есқараев ҚР құзыретін таныған адам құқықтары жөніндегі шарттық органдардың сауалдары мен пайымдауларын қарау бойынша ведомствоаралық жұмыс тобы (ВАЖТ) қызметінің маңыздылығын атап өтті.ВАЖТ қызметі шеңберінде Адам құқықтары жөніндегі комитетке, Әйелдерге қатысты кемсітушіліктің барлық нысандарын жою жөніндегі комитетке, Азаптауға қарсы комитетке, Нәсілдік кемсітушілікті жою жөніндегі комитетке, Мүгедектердің құқықтары жөніндегі комитетке және Бала құқықтары жөніндегі комитетке жіберілген жеке хабарламалары қаралады.Әділет министрлігі адам құқықтары жөніндегі сауалдар мен пайымдауларды қарау жөніндегі консультативтік-кеңесші органның рөлін атқарады. Осы жылдың маусым айындағы жағдай бойынша Ведомствоаралық жұмыс тобы 18 отырыс өткізді. Сонымен қатар 41 сұрау салу және адам құқықтары жөніндегі шарттық органдардың пайымдаулары қаралды.

Ақпарат көзі: Министерство юстиции Республики Казахстан