Бүгін Азаматтарды қабылдау орталығында Лаура Мерсалимова Көкшетау және Павлодар қалаларының тұрғындарын қабылдады. Қабылдау барысында азаматтар заңды тұлғаны тіркеу және кепілдендірілген мемлекеттік заң көмегіне қатысты сұрақтарын қойды.

Лаура Мерсалимова әрбір азаматтың өтінішін мұқият тыңдап, заңды тұлғаларды тіркеу, сондай-ақ мемлекеттік бағдарламалар аясында тегін заң көмегін көрсету тәртібін жан-жақты түсіндіріп берді.

Вице-министр Әділет министрлігі барлық азаматтар үшін заңгерлік қызметтердің қолжетімділігін арттыруды міндет етіп отырғанын атап өтті.Лаура Мерсалимова туындаған мәселелерді жедел шешу үшін және халықтың құқықтық жүйесін жетілдіруде тұрақты диалогтың маңыздылығын атап өтті.

Кездесу соңында Әділет вице-министрі азаматтарға белсенділіктері үшін алғыс білдіріп, көрсетілетін қызметтердің сапасын арттыруда және азаматтардың құқықтарын қорғау бойынша алдағы уақыттада ынтымақтастыққа дайын екенін білдірді.

Ақпарат көзі: Министерство юстиции Республики Казахстан