Жетісу облысы терроризмге қарсы комиссиясы аппараты дін саласындағы мәселелерді зерттеу және оңалту орталығымен бірлесе Панфилов ауданында орналасқан әскери бөлімдердің жеке құрамымен кездесу өткізді.

Кездесу барысында радикалды ағымдардың қоғамға келтіретін зияны туралы, халықты айтқанға көнетін ойсыз топқа айналдыруды көздейтіндігі, сондай-ақ саналарына әмір жүргізу әдістері жайында ақпарат жеткізілді.

Қазақстан Республикасының дін саласындағы заңнамасының негізгі талаптары, оларды бұзғаны үшін жауапкершілік жеткізіліп, радикалды діни ағымдардың белгілері қарастырылды.

Ұлттық қауіпсіздігімізге қатер төндіретін жат ағымдарға қарсы тұру жолында ауызбіршілік пен елжандылық ұстанымдарды алға қою қажеттілігі айтылды.

Қатысушылар тарапынан аталған мәселелер төңірегінде сұрақтар қойылып, нақты жауаптар алынды.

Материал Жетісу облысы бойынща ТҚК

аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы