Өрт сөндіруші болу – адамдардың қауіпсіздігі үшін жауапкершілікті өз мойнына алу және басқаларды құтқару үшін өз өмірін қатерге тігуге дайын болу.

Төтенше жағдайлар департаментінің бөлімшелерінде әулеттер сирек емес. Мамандықтың күрделілігіне қарамастан, ұрпақтардың оны қабылдауы бүгінгі күнге дейін сақталып келеді.

100 жылдан астам еңбек өтілі бар Қарабалиндер отбасы. Әулеттің бастамашысы Қарабалин Алдаберген Мерекеұлы, оның  34 жылдан астам қызметі бар. Мамандық таңдауда оның әжесі үлкен рөл атқарды, ол 1976 жылы 10 сыныпты бітірген немересін Қостанайдан Алматыға  таныстарының кеңесі бойынша алып келді, ол 1979 жылы бітірген КСРО ІІМ Алматы өрт-техникалық училищесіне түсуді ұсынды. Оқуды бітіргеннен кейін жас маман Екібастұз қаласына келді.

Екібастұз қаласында МӨС-2 қарауыл бастығы қызметін бастады, онда қызметі өртті сөндіруге, жоюға және басқа да төтенше жағдайларға тікелей қатысты болды. 1983-1987 жылдары Ташкент қаласындағы жоғары инженерлік өрт-техникалық мектебінде оқыды. Қызмет барысында өзін өз ісінің сауатты маманы, көп жылдық тәжірибесі бар  маман ретінде көрсете отырып, Павлодар облысы ТЖД бастығының орынбасарына дейін қызмет атқарды. Азаматтық қорғау полковнигі атағымен Алдаберген Мерекеұлы 2009 жылы еңбек сіңірген демалысына шықты. Қызмет барысында көптеген марапаттары бар, оның ішінде біреуі оған ең қымбат. 2001 жылы оған мінсіз қызметі үшін БҰҰ медалі берілді.

Айта кету керек, Алдаберген Мерекеұлының інісі мен әпкесі де өрт сөндіру қызметінде қызмет еткен. Інісі Шоқан Қарабалин 16 жыл, әпкесі Қасымова Аягөз 25 жыл қызмет етті. Қазір олар да зейнетте.

Мектепте оқып жүрген ұлы Есенжол Қарабалин отбасының даңқты дәстүрлерін жалғастырып, әкесінің жолымен жүруге шешім қабылдады. Ол  Ғабдуллин атындағы ТЖМ Азаматтық қорғау Академиясына оқуға түсті.  Оны аяқтағаннан кейін 2003 жылы қызметін Павлодар облысы бойынша «Өрт сөндіруші» АМК филиалының 7-ші мамандандырылған өрт сөндіру бөлімінің өрт профилактикасы тобының инспекторы қызметінен бастады. Міне 25 жыл бойы өрт сөндіруші отпен күресуде. Көптеген шығулар мен ірі өрттерге қатысты, көптеген адамдардың өмірін құтқарды. Азаматтық қорғау подполковнигі Есенжол Қарабалин қазірде «Павлодар облысы ТЖД» Өрт сөндіру қызметі және авариялық-құтқару қызметі №5 өрт сөндіру бөлімінің қарауыл бастығы.

 «Өрт сөндіру бөлімінің командирі жеке құраммен шақыруларға шығып қана қоймай, өрт сөндіру, апатты және басқа да төтенше жағдайларды жою орнындағы өрт сөндірушілердің жұмысына тікелей басшылық етеді, өрт сөндіру автомобильдерінің, өрт-техникалық және құтқару жабдықтарының техникалық жай-күйін бақылауды жүзеге асырады. Бұл өрт сөндіру бөлімі командирінің міндеттерінің толық спектрі емес», - деп атап өтті Есенжол.

Есенжолдың пікірінше, өрт сөндіруші болу - бұл тек өз ісіне берілген адамдар ғана көтере алатын үлкен жауапкершілік!

Өрт сөндірушілер өртті сөндіру және басқа да төтенше жағдайларға ден қою кезінде дұрыс әрекет ету үшін физикалық күшті, психологиялық тұрақты, жаттығуларда өз дағдыларын үнемі жетілдіріп отыруы керек.

Академияда да Есенжол өрт сөндіру-құтқару спортымен шұғылданды. Кәсіби өрт сөндіруші бола отырып, спорт тасталмады. Қоржынында түрлі үлгідегі медальдар бар, республикалық жарыстардың чемпионы, жүлдегері болып табылады. Командада 2004 жылы Талдықорған қаласында өткен республикалық жарыстарда бірінші жалпы командалық орынды, 2009 жылы Өскемен қаласында екінші жалпы командалық орынды, 2011 жылы Астана қаласында үшінші жалпы командалық орынды иеленді. Өрт-құтқару спортынан спорт шебері. Өрт сөндіруші қоғамдық өмірге де белсенді қатысады. «Тәлімгер» жобасында ерікті болды, оның негізгі мақсаты - балалар үйіндегі балаларды әлеуметтік өмірге бейімдеу.

Қарабалиндердің тату отбасын Құтқарушылар күнімен құттықтай отыра,  денсаулық, амандық және табыс тілейміз!

Павлодар облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан