«Мұз-2024» республикалық акциясы аясында ТЖМ құтқарушылары күн сайын тұрғындар мен балық аулау әуесқойларына қыс мезгілінде суда болған кездегі қауіпсіздік ережелерін түсіндіреді.

Ақмола облысында аң аулау және балық аулау маусымы басталғаннан бері су айдындарындағы қауіпсіздік ережелерін бұзғаны үшін 15 адам әкімшілік жауапкершілікке тартылды. Өңірдегі балықшылармен түсіндіру әңгімелері жүргізіліп, онда мұздың қалыңдығын дұрыс бағалау, мұз жарылған жағдайда қалай әрекет ету және зардап шеккендерге көмек көрсету туралы айтылды. Нұсқаулықтар да жүргізілді.

 «Егер мұздың қалыңдығы 25 см-ден аз болса, балық аулау әуесқойлары өздерімен бірге жеке құтқару құралдарын: құтқару кеудешесін, шильцті, 2 метрлік таяқ пен 10 метр арқан, сондай-ақ су өткізбейтін қапшықтағы телефонды алып жүруі қажет. Осы талаптар бұзылған жағдайда, су айдындарындағы қауіпсіздік ережелерін бұзу немесе орындамау үшін ӘҚБтК-нің 412-бабы бойынша әкімшілік хаттама жасалады», - деді Ақмола облысы ТЖД Азаматтық қорғаныс басқармасының офицері Алмаз Бекбаев.

Сонымен қатар қысқы кезеңде мұздағы жазатайым оқиғалардың алдын алу мақсатында Қарағанды облысы ТЖД қызметкерлері жергілікті атқарушы органдармен, полиция қызметінің өкілдерімен және еріктілермен бірлесіп, өңірдің су айдындарында профилактикалық рейдтер жүргізді.

Құтқарушылар тұрғындарға қысқы балық аулаудың қауіптілігі мен қауіпсіздік ережелерін қатаң сақтаудың маңыздылығын еске салды. Балықшылармен түсіндіру әңгімелері жүргізіліп, онда мұздың қалыңдығын дұрыс бағалау, мұз жарылған жағдайда қалай әрекет ету және зардап шеккендерге көмек көрсету туралы айтылды.

«Осы акция аясында балықшыларға рұқсат беру кезінде 36 нұсқаулық,  мамандандырылған дүкендерде 119 нұсқаулық,  профилактикалық рейдтер барысында 189 нұсқаулық ұйымдастырылды», - деп Қарағанды облысы ТЖД аға офицері Әсет Ашимов атап өтті.

Бір адам үшін мұздың қауіпсіз қалыңдығы 10-15 см құрайды, деп құтқарушылар атап өтті.

Профилактикалық іс-шаралар маусым бойы жалғасады. Құтқарушылардың, ЖАО, ЖПҚ өкілдері мен еріктілердің негізгі міндеті – азаматтардың қауіпсіздігін қамтамасыз ету, олардың өмірі мен денсаулығын сақтау.

Ақпарат көзі: Министерство по чрезвычайным ситуациям Республики Казахстан