Қазақстан Конституциялық Сотының Төрағасы Эльвира Азимова Қазақстандағы Еуропалық Одақ елдерінің мемлекеттік органдары мен дипломатиялық корпусы өкілдерінің он тоғызыншы кездесуіне қатысты.

Шара әділет, сыртқы істер министрліктерінің және Еуропалық Одақтың Қазақстан Республикасындағы Елшілігінің бастамасымен ұйымдастырылды.

Кездесуге Бас прокуратураның, сыртқы істер, әділет, ішкі істер министрліктерінің, адам құқықтары жөніндегі ұлттық орталықтың басшылары, Еуропалық Одақ өкілдігінің, Австрия, Бельгия Корольдігі, Хорватия, Чехия, Эстония, Финляндия, Венгрия, Латвия, Румыния, Словакия, Испанияның, Швеция, Португалия, Нидерланды Корольдігі, Литва, Италия, Болгария, Франция және Германияның елшілері мен өкілдері қатысты.

Эльвира Азимова Конституциялық Соттың конституциялық заңдылықты қамтамасыз ету жөніндегі қызметі және қолданыстағы заңдардың 160-тан астам нормалары мен басқа да нормативтік құқықтық актілердің Конституцияға сәйкестігін тексеру туралы қабылданған шешімдердің қорытындылары бойынша Парламент Палаталарының бірлескен отырысында ұсынылған тиісті Жолдауы туралы айтып берді.

Ол Конституция негізінде құқық үстемдігін және адам құқықтарын қорғауды қамтамасыз ету құқық үстемдігі идеясын қорғаудың және адамның конституциялық құқықтары мен бостандықтарын құрметтеудің пәрменді белсенді құралы болып табылатынын атап өтті. Әділет министрлігінің өкілдері хабарлағандай, бұл кездесу 2025 жылдың қаңтар айының соңында БҰҰ Адам құқықтары жөніндегі кеңесінің Әмбебап мерзімді шолуы шеңберінде қабылданған міндеттемелердің орындалуы туралы Ұлттық баяндаманы қорғау қарсаңында ұйымдастырылған.

Телеграмм КС -

Ақпарат көзі: Қазақстан Республикасының Конституциялық Соты