Әділет министрлігі Halyk Bank және Республикалық нотариаттық палатасымен бірлесіп, Halyk мобильді қосымшасында ерлі-зайыптылардың келісімін онлайн-рәсімдеу бойынша қызметті іске қосты.

Бұл қызмет жылжымайтын мүлікті сатып алу-сату туралы мәмілені жасауға, ипотеканы, несиені және тағы басқаларды рәсімдеуге қажет.

Қызметті алу үшін:

- Halyk қосымшасында авторизациядан өту

- «Мемлекеттік қызметтер» бөлімінде «Цифрлық келісімдер» қызметін таңдау

- биометриялық тексеруден өту

- өтінімді толтыру

- бейнеқоңырау кезінде нотаруспен құжатты мақұлдап, төлемді жүргізу қажет.

Цифрлық келісімдер ресми деңгейде танылады және Halyk қосымшасындағы «Цифрлық құжаттар» бөлімінде автоматты түрде шыға отырып, мемлекеттік ақпараттық жүйеде сақталады.

Қызмет тегін көрсетіледі. Банк цифрлық келісімді жасауға және алуға ешқандай комиссия алмайды. Төлемді нотариалды куәландырған үшін тек нотариустар қабылдайды.

Аталған қызметтің негізгі артықшылықтары мыналар:

- азаматтарға қолайлықты арттыру;

- жоғарғы қауіпсіздік деңгейі;

- даулы жағдайдарды болдырмау мақсатында процеске қатысушылардың іс-әрекеттері тіркеледі;

- уақыт және қаражат үнемделеді.

Мұндай қызметті қазақстандық барлық банктердің ішінен тек Halyk ұсынатынын атап өтеміз.

Сондай-ақ «цифрлық келісімді» eGov қосымшасы арқылы рәсімдеуге болады.

Ақпарат көзі: Министерство юстиции Республики Казахстан