Елорданың барлық аудандарында 18 наурыздан бастап вейп пен насвайдың заңсыз таралуы мен қолданылуын анықтау бойынша рейдтер жүргізілуде. Рейдтік іс-шаралардың 2 айында мыңдаған сауда нүктелері тексерілді, шекпейтін темекі өнімдерін, оның ішінде насвай өндірісі бойынша жерасты цехтарының жүздеген фактісі анықталды, деп хабарлайды Астана әкімдігінің ресми сайты.

Жедел профилактикалық іс-шараларды аудандық әкімдіктердің қызметкерлері Астана қаласы полиция департаментінің жергілікті полиция қызметінің қызметкерлерімен бірлесіп жүргізеді. Рейдтер жеке кәсіпкерлік нысандарын-сауда орталықтарын, азық-түлік дүкендерін қамтиды.

Іс-шара қорытындысы бойынша Сарыарқа ауданында рейд басталғаннан бері 400-ден астам жеке кәсіпкерлік нысаны қамтылды. 60-тан астам бұзушылық анықталып, жалпы айыппұл сомасы 4 млн теңгеден асатын 30 келіге жуық насвай тәркіленді.

Есіл ауданы бойынша жүргізілген рейдтердің қорытындысы бойынша 94 бұзушылық анықталды, оның ішінде:

- Насвайды сатудың 19 фактісі. Барлық факт бойынша ҚР ӘҚБтК-нің 196-бабы бойынша 25 АЕК мөлшерінде айыппұл түрінде әкімшілік жаза қолданыла отырып, әкімшілік хаттамалар жасалды;- Темекі өнімдерін, оның ішінде қыздырылатын темекісі бар өнімдерді, кальянға арналған темекіні, кальян қоспасын, темекіні жылытуға арналған жүйелерді, электрондық тұтыну жүйелері мен олар үшін сұйықтықтарды тұтынуға тыйым салуды бұзудың 69 фактісі. Құқық бұзушыларға айыппұл түрінде әкімшілік жаза қолданылды;- Жиырма бір жасқа толмаған адамдарға темекі өнімдерін сатудың 6 фактісі. ҚР ӘҚБтК-нің 423-1-бабы бойынша 15 АЕК мөлшерінде айыппұл түрінде әкімшілік жаза қолданылып, әкімшілік хаттама жасалды.

Іс-шаралар барысында Нұра ауданында Асфендияров, Әнет баба, Сығанақ, Бағланова, Нәрікбаев, Мұхамедханов, Отырар, Е-15 көшелері, Ұлы дала, Тұран даңғылдары және Үркер МЖК көшелерінде орналасқан 207 дүкенде насвай мен снюсті заңсыз сату бойынша профилактикалық түсіндіру жұмыстары жүргізілді. Нәтижесінде 10 дүкен әкімшілік құқық бұзушылық туралы кодекстің (ӘҚБтК) 196-бабына сәйкес 25 айлық есептік көрсеткіш (АЕК) мөлшерінде айыппұл салумен әкімшілік жауапкершілікке тартылды.

Байқоңыр ауданы бойынша осындай жұмыстар Ж.Омаров, А. Иманов, Кенесары, А. Янушкеевич, Ш. Уәлиханов, А. Сембинов, Отырар, М. Лермонтов, Алаш, Сырдария, С. Сейфуллин, А. Жангелдин көшелерінде орналасқан 235 кәсіпкерлік нысанында жүргізілді.

Рейд нәтижесінде 8 сату нүктесінің иелері Әкімшілік құқық бұзушылық туралы кодекстің (ӘҚБтК) 196-бабына сәйкес 25 айлық есептік көрсеткіш (АЕК) мөлшерінде айыппұл салумен әкімшілік жауапкершілікке тартылды, сондай-ақ 5 орында заңсыз сақтау анықталды және шамамен 4 тонна насвай тәркіленді.

Алматы ауданы бойынша 200-ден астам нысан зерттелді. Рейд қорытындысы бойынша 64 бұзушылық фактісі анықталды:

- Шекпейтін темекі өнімдерін сатудың 42 фактісі (насвай). Барлық факт бойынша ҚР ӘҚБтК-нің 196-бабы бойынша 25 АЕК мөлшерінде айыппұл түрінде әкімшілік жаза қолданыла отырып, әкімшілік хаттамалар жасалды;- Мекемелерде темекі өнімдерін (кальян) тұтынудың 21 фактісі, ҚР ӘҚБтК 441-бабы бойынша әкімшілік хаттамалар жасалды, 15 АЕК мөлшерінде айыппұл түрінде әкімшілік жаза қолданылды.- Жиырма бір жасқа толмаған адамдарға темекі өнімдерін сатудың 1 фактісі. ҚР ӘҚБтК-нің 423-1-бабы бойынша 15 АЕК мөлшерінде айыппұл түрінде әкімшілік жаза қолданылып, әкімшілік хаттама жасалды.

Естеріңізге сала кетейік, Астанада 14 тонна насвай тәркіленді, оның құны 70 млн теңгеден асады.

Тәркіленген барлық өнім жойылды. Сондай-ақ рейдтер барысында шекпейтін темекі өнімдерін сатуға жол бермеу туралы шағын және орта бизнес иелерімен профилактикалық әңгіме жүргізілді.

Ақпарат көзі: ГУ «Аппарат акима города Астана»