Түркиялық саяхатшы-блогерлер отбасы Бурак пен Идил Дюран және олармен бірге саяхаттап жүрген журналист Энес Илдырым 8-13 қыркүйекте өтетін V Дүниежүзілік көшпенділер ойындарына қатысады. Олар Астанаға арнайы автобуспен бара жатыр.

Елордаға барар жолда олар Қазақстанның түрлі қалаларында тоқтайды. Бұған дейін Ақтауда болған. Қазір Ақтөбе облысына аялдады. Алдымен саяхатшылар Байғанин ауданына, содан кейін Темір ауданы, Ақтөбе қаласы мен Хромтау ауданында болды.

Әр елдімекенде меймандарды қазақы қонақжайлылықпен қарсы алуда. Ұлттық тағамдардан дәм татып, салт-дәстүрімен танысты. 

Түрік қонақтарға көптің назарына ұсынылатын Қазақстан Республикасы мен әлем елдерінің үздік қолөнер шеберлерінің көрме-жәрмеңкесі, шеберлік сабақтары, төл мәдениетіміз туралы мәліметтер берілді.

Аудан әкімдіктері V Дүниежүзілік көшпенділер ойындарының ұлттық спорт пен салауатты өмір салтын насихаттау мақсатында ұйымдастырылғанына база назар аударды.

Ақтөбе облысынан естелік ретінде түрік ағайындарға ерекше сыйлықтар табыс етіліп, сапарға сәттілік тіледі.

Өз кезегінде Түркиядан келген саяхатшылар қонақжайлылық көрсеткені үшін алғыс білдірді.

Ақпарат көзі: ГУ «Акимат Актюбинской области»