Құрметті қазақстандықтар!

Конституция күні құтты болсын!

 

Бұл күн әрбір азаматтың құқықтары мен бостандықтары басымдыққа ие күшті, әділ және құқықтық мемлекет құрудың ортақ жолын білдіреді.Қазақстан Республикасының Президенті Қасым-Жомарт Тоқаевтың конституциялық реформа мен Жолдауында қамтылған бастамалардың еліміз үшін ерекше стратегиялық маңызы бар. Олар Қазақстанның алдында тұрған негізгі ішкі және сыртқы сын-қатерлерді айқындап, адам құқықтарының дамуына жаңа серпін берді. Осы реформалардың арқасында қазақстандық қоғамда жаңа азаматтық және саяси мәдениет пайда болды, бұл біздің әділдік пен теңдікке ұмтылуымызды күшейтеді.

Конституциялық өзгерістер мен реформалар әлеуметтік-экономикалық саладағы елеулі жаңашылдықтарға негіз болды. Бүгінде Қазақстан жаһандық сын-қатерлер мен үрдістерге тиімді жауап беруге қабілетті заманауи мемлекет. Бір кездері жас, тәуелсіздік алған жаңа мемлекеттерге тән мәселелерге тап болған еліміз бүгінде тұрақтылық пен ілгерілеудің үлгісіне айналды.

Мемлекет басшысы атап өткендей, Әділ Қазақстан – барлығына тең мүмкіндіктер мемлекетін құру үшін конституциялық қағидаттардың бұлжытпай сақталуы және қоғамдық сананың ажырамас бөлігіне айналуы қажет. Саналы азамат – «Адал азамат» – Ата Заңымыздың мұраттарын бөлісіп, жүзеге асырушы тұлға.

Сондай-ақ Қасым-Жомарт Кемелұлы қазіргі жағдайда құқықтық насихат пен азаматтарға құқықтық тәрбие берудің маңызы артып келе жатқанына тоқталды. Сондықтан Адам құқықтары жөніндегі уәкіл кеңсесі құқықтық ағарту жұмыстарын жүргізуді өз міндеттерінің бірі ретінде алға қойып отыр. Биылдың өзінде 11 мың адам біліммен қамтылып, 133 іс-шара өткізілді.

Бұл күні әрбір азаматқа зор денсаулық, жаңа істерге ашық болуын және барлық жоспарлардың орындалуын тілеймін! Конституция әр азаматтың өсіп-өркендеуі мен әл-ауқатының сенімді іргетасы болып қала берсін.Құрметпен,Адам құқықтары жөніндегі уәкіл

Артур Ластаев

Ақпарат көзі: Қазақстан Республикасындағы Адам құқықтары жөніндегі уәкіл