Конституциялық Сот: азаматтың өтініші бойынша мемлекеттік қызметтегі жұмыстан кеткеннен кейін кірістер туралы декларация тапсыру міндеті туралы норманың Конституцияға сәйкестігін тексеру үшін жол берілген шарттары анықталған жоқ
Конституциялық Сот: азаматтың өтініші бойынша мемлекеттік қызметтегі жұмыстан кеткеннен кейін кірістер туралы декларация тапсыру міндеті туралы норманың Конституцияға сәйкестігін тексеру үшін жол берілген шарттары анықталған жоқ
Азамат «Салық және бюджетке төленетін басқа да міндетті төлемдер туралы (Салық кодексі)» кодекстің 630 және 633-баптарының Конституцияға сәйкестігін тексеру үшін Конституциялық Сотқа жүгінді.
Өтініш беруші жоғарыда көрсетілген баптардың мемлекеттік қызметтен кеткеннен кейін кірістер мен мүлік туралы декларация тапсыруға міндеттейтін ережелері оның Конституцияның 18-бабының 2-тармағында кепілдік берілген жеке салымдар мен жинақтардың құпиясына конституциялық құқығын бұзады деп санайды.
Конституциялық Сотқа жүгінгенге дейін бұл мәселе бірінші және апелляциялық сатыдағы соттарда қаралған. Қарау нәтижелері бойынша Конституциялық Сот декларация тапсыру жөніндегі міндет жеке салымдар мен жинақтардың құпиясына құқықты шектемейтінін атап өтті. Сонымен қатар, өтініш беруші басқа дәлелдер келтірмей, негіздемесінде тек сот актілерімен келіспейтіндігін білдірген.
Өтінішті алдын ала қарау нәтижелері бойынша Конституциялық Сот бұл норманың Конституцияға сәйкестігін тексеру үшін жол берілген шарттардың анықталмағанын хабарлады.
Телеграмм КС -
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
