Конституциялық Сот алдын ала қарау қорытындысы бойынша «Діни қызмет және діни бірлестіктер туралы» Заңның 1-бабының 5) тармақшасының және 8-бабының 1-тармағының, «миссионерлік қызметті тіркеусіз жүзеге асырғаны» үшін әкімшілік жауаптылықты белгілеуге қатысты әкімшілік құқық бұзушылық туралы Кодекстің 490-бабының үшінші бөлігінің Конституцияға сәйкестігін тексеру туралы азаматтың өтінішін конституциялық іс жүргізуге қабылдады.

➤ Дауланып отырған нормаға сәйкес миссионерлік қызметті тіркеуден өткен азаматтар, шетелдіктер және азаматтығы жоқ адамдар жүзеге асыра алады. Белгіленген тәртіпті бұзғаны үшін әкімшілік жауапкершілік қарастырылған: азаматтарға – жүз айлық есептік көрсеткіш мөлшерінде айыппұл, ал шетелдіктер мен азаматтығы жоқ адамдарға – ел аумағынан шығарып жібере отырып, сол мөлшерде айыппұл салынады.

Баяндамашы-судья: Ударцев С.Ф.

Конституцияға сәйкестігін тексерудің барысы мен қорытындылары туралы ақпарат Конституциялық Соттың ресми сайтында https://www.gov.kz/memleket/entities/ksrk/press/article/details/168786?lang=kk және Telegram-арнасында https://t.me/ConstitutionalCourt_KZ жарияланады.

Ақпарат көзі: Қазақстан Республикасының Конституциялық Соты