Конституциялық Сот соттың төрелік шешімді қайта қарауға тыйым салудың конституциялылығын тексереді
Конституциялық Сот соттың төрелік шешімді қайта қарауға тыйым салудың конституциялылығын тексереді
Конституциялық Сотқа азаматтан «Төрелік туралы» Заңның 52-бабы 3-тармағының Конституцияға сәйкестігін қарау туралы өтініш келіп түсті.
Даулы норма төрелік шешімнің күшін жою туралы өтінішхатты қарау кезінде соттың төрелік шешімді мәні бойынша қайта қарауға құқығы жоқ екенін белгілейді.
Өтініш беруші жылжымайтын мүлік агенттігінің пәтерді сату бойынша көрсетілген қызметтер үшін берешекті өндіріп алу туралы талабы бойынша төрелік талқылауға жауапкер ретінде қатысқан. Тараптар арасында жасалған эксклюзивті шарттың негізінде Астана қаласының тұрақты жұмыс істейтін төрелік соты жылжымайтын мүлік агенттігінің пайдасына шешім шығарды.
Өтініш беруші Астана қаласы сотының азаматтық істер жөніндегі сот алқасына жоғарыда көрсетілген шешімнің күшін жою туралы өтінішпен жүгінді. Алайда, сот даулы нормаға сілтеме жасай отырып, оның өтінішін қанағаттандырудан бас тартты.
Өтініш авторы Заңның даулы нормасы сот актісін мәні бойынша қайта қараудың конституциялық құқығына қайшы келеді деп санайды.
Азаматтың өтініші конституциялық іс жүргізуге қабылданды.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
