Қазақстан Республикасы Конституциялық Сотының судьясы Еркін Оңғарбаев Л.Н.Гумилев атындағы Еуразия ұлттық университетінің Инклюзивті білім беру орталығында қонақ дәрісін оқыды.

Қонақ дәрісі шеңберінде ол 2022 жылы референдумда қабылданған Конституцияның жаңартылған редакциясының негізгі аспектілері туралы егжей-тегжейлі айтты. Негізгі түзетулердің қатарына азаматтардың құқықтарын күшейту және оларды қорғау тетіктерін енгізу, Конституциялық Соттың өкілеттіктерін кеңейту және демократиялық қағидаттарды нығайту болды. Судья өз сөзінде Конституциялық Сот арқылы әділ шешім тапқан азаматтардың өтініштерінен нақты мысалдар келтіріп, оның Қазақстанның құқықтық жүйесін нығайтудағы жаңа қадам болғанын атап өтті.

Маңызды өзгерістердің бірі 2023 жылы Конституциялық Соттың қайта құрылуы болды, ол енді Қазақстан азаматтарына нормативтік актілердің Конституцияға сәйкестігі мәселелері бойынша өтініштермен тікелей жүгінуге мүмкіндік береді.

Еркін Оңғарбаев мүмкіндігі шектеулі адамдармен жұмыс істеуге ерекше назар аудару қажеттігін еске салды. Шара соңында судья университет кітапханасына Брайль шрифтінде жазылған Конституцияны тапсырып, инклюзивті білім берудің және халықтың барлық топтары үшін құқықтық білімнің қолжетімділігінің маңыздылығын атап өтті.

Телеграмм КС -

Ақпарат көзі: Қазақстан Республикасының Конституциялық Соты