Конституциялық Соттың Төрағасы Эльвира Азимова Қазақстандағы БҰҰ Балалар қорының (ЮНИСЕФ) жаңадан тағайындалған өкілі доктор Рашед Сарвар Мұстафамен және ЮНИСЕФ-тің Балаларды қорғау жөніндегі бағдарламаларының жетекшісі Айслу Бекмұсамен кездесті.

Кездесу барысында Эльвира Азимова балаларды, олардың өмірі мен құқықтарын қорғау мемлекеттік саясаттың, оның ішінде сот төрелігі саласындағы маңызды бағыт болып табылатынын атап өтті.

Ол конституциялық іс жүргізу шеңберінде судьялар бірінші кезекте БҰҰ-ның Бала құқықтары туралы конвенциясында бекітілген балалық шақты және балаларды қорғау жөніндегі қабылданған міндеттемелерді назарға алатынын атап өтті. Рашед Сарвар Мұстафа мырза 2024 жылы Қазақстан Бала құқықтары туралы конвенцияны ратификациялағанына тура 30 жыл толатынын, бұл Қазақстанның қабылданған міндеттемелерге орасан бейілділігін тағы да растайтынын атап өтті.

Төраға бала асырап алу мәселелері бойынша сот талқылауы басталғанға дейін әлеуетті асырап алушылардың молекулярлық-генетикалық сараптама нәтижелері бойынша қорытынды ұсынуы талабының Конституцияға қайшы келетіндігі туралы Конституциялық Сот қабылдаған қорытынды шешім туралы хабарлады. Қазіргі уақытта Конституцияның анықталған қарама-қайшылығы соттың баланың мүдделерін тікелей қамтамасыз етуіне қол жеткізу мақсатында жойылғаны айтылды. Сондай-ақ, ол Конституциялық Соттың қарауындағы азаматтардың алимент мөлшерін анықтау және бала асырап алу мәселелері бойынша неке-отбасы заңнамасының бірқатар ережелерінің Конституцияға сәйкестігін тексеру туралы өтініштер қарауда екенін хабарлады.

Кездесу қорытындысы бойынша қатысушылар қатысушы мемлекеттерде және БҰҰ-ның Бала құқығы жөніндегі комитетінде Бала құқықтары туралы конвенцияны іске асырудың құқық қолдану практикасы туралы тұрақты білімді бекіту мақсатында Қазақстанның Ата заңының ережелері туралы балалардың хабардарлығын арттыру, сондай-ақ сараптамалық қолдау жөніндегі бірқатар бірлескен іс-шараларды өткізуге уағдаласты.

Ақпарат көзі: Қазақстан Республикасының Конституциялық Соты