Эльвира Азимова бұқаралық ақпарат құралдары қызметкерлері күні қарсаңында отандық БАҚ өкілдерімен кездесті.

Төраға журналистерге кәсіби шеберлігі мен қызмет барысында құқықтық тақырыптарды, адам құқықтарын қорғау және Қазақстан Республикасы Конституциясының үстемдігі мәселелерін жариялауда жауаптылық танытқанына алғысын білдірді.

«Сіздердің үлестеріңіз жұртшылықтың ақпаратқа қол жетімділігін кеңейтіп қана қоймайды. Сіздер өздеріңіздің еңбектеріңізбен қоғамның және жеке тұлғаның құқықтық мәдениетін нығайтуға, жеке адамның, қоғамның және мемлекеттің мүдделерінің тепе-теңдігін қамтамасыз етуде, сондай-ақ адамның құқықтары мен бостандығын қорғауда еліміздің Негізгі заңы мен тәртібі және үстемдігін сақтаудың маңыздылығын түсінуге ықпал етесіздер», - деп атап өтті.

Ақпарат көзі: Қазақстан Республикасының Конституциялық Соты