Республикалық ақпараттық-түсіндіру тобының мүшесі, дінтанушы Н.Газимов діни экстремизмнің алдын-алу бойынша «6656» әскери бөлімі Ұлттық Ұлан сарбаздарымен «Діни радикализм, экстремизм және терроризмнің алдын алу» тақырыбында ақпараттық-түсіндірме жұмыстарын жүргізді.

Шараға әскери бөлімнің басшылығы және жеке құрамы қатысты.

Кездесу барысында сарбаздарға әлемде болып жатқан діни ахуалды көрсете отырып, зайырлы мемлекетіміздің артықшылықтары мен ұлттық құндылықтарды насихаттады.

Әлеуметтік желілердегі әрбір діни ақпаратқа мұқият қарап, заңға қайшы келетін әрекеттерден аулақ болуға шақырды. Радикалды ағымдарға байланысты қауіп-қатерлер туралы хабардар етіп, осы бағытта білім деңгейлерін көтеру маңыздылығын атап өтті.

Сарбаздар кездесу соңында өздерінің ойлары мен сұрақтарын ортаға салып, аталмыш тақырып бойынша толық мағлұмат алып, ұйымдастырушыларға ризашылығын білдірді.

Материал Маңғыстау облысы ТҚК аппаратының

ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы