Мақаншы ауданының Қаратал ауылында «Қуатты өңірлер – ел дамуының драйвері» ұлттық жобасы аясында төрт пәтерлі екі тұрғын үйдің кілті табысталды. Салтанатты шараға аудан әкімі Дәурен Қойгелдин қатысып, тұрғындарды қоныс тойымен құттықтады.

Баспанаға ие болған көпбалалы аналардың бірі жансая Зекенова мемлекетке көрсетілген қамқорлық пен қолдау үшін алғыс білдірді.

«Көп жылдан бері баспана мәселесінде қиындық көріп келдім. Мемлекеттің көпбалалы отбасыларға деген қамқорлығының арқасында бүгін жайлы, жарық, және жылы үйімізге кірдік. Бұл – мен үшін де, балаларым үшін де үлкен қуаныш», – деді ол.

2024 жылы ауданда жалға берілетін 4250 шаршы метр тұрғын үй пайдалануға берілді. 2025 жылы 65 шаршы метрден 50 пәтер және 85 шаршы метрден 50 пәтер салу жоспарланған.

Ақпарат көзі: Абай облысының әкімдігі