Қаржылық мониторинг агенттігі Төрағасының ҚР Президенті жанындағы Мемлекеттік басқару академиясының ректорымен кездесуі өтті.

Кездесу барысында ҚМА басшысы

Дмитрий Малахов

Агенттік қызметкерлердің кәсіби және басқарушылық дағдыларын арттыру бойынша жүйелі жұмыс жүргізіп жатқанын және оның жеке құрамды заманауи кәсіби құзыреттерге оқыту мүмкіндігін беру бөлігінде әріптестікті нығайтуға бағытталғанын айтты.

Д.Малахов бүгінгі таңда мемлекеттік басқару академиясының персоналды дамыту саласында бай тәжірибесі бар екенін атап өтті. Агенттік құрылғаннан бері Академияда екі жүзден астам қызметкердің біліктілігін арттыру курстары өтті.

Өз кезегінде МБА ректоры

Ерлан Әбіл

тараптардың алдағы жоспарларда тәжірибе алмасу мақсатында кәсіби құзыреттілікті дамыту және шетелдік іссапарларды ұйымдастыру курстары қарастырылғанын атап өтті.

Шара соңында тараптар ҚМА мен МБА арасындағы өзара іс-қимылды нығайтуға бағытталған ынтымақтастық туралы Меморандумға қол қойды.

ҚР ҚМА Баспасөз қызметі

Ақпарат көзі: Қазақстан Республикасы Қаржылық мониторинг агенттігі