Облыс әкімі Асхат Шахаров қалада салынып жатқан бірқатар мектепт

ің

құрылыс барысымен танысты.

Ол алдымен Есет батыр шағын ауданындағы №60 орта мектепке барды. Мұнда білім ордасына жапсарлас үш қабатты ғимарат салынып жатыр. Жұмыстарды «Портал-ПВ» ЖШС мердігерлік ұйымы жүргізуде. 600 оқушыға арналған нысанда тек оқу бөлмелері ғана емес, сонымен қатар қосымша пәндік кабинеттер де ашылады: екі шеберхана, сызу және сурет салуға үйрететін екі кабинет, информатика бойынша 2 кабинет, 6 лингафондық-мультимедиялық кабинет. Мұнда да 120 орындық асхана

бар

.

Ғимарат былтырғы жылдың тамыз айында салына бастады. Жұмыстың аяқталу мерзімі осы жылдың соңына жоспарланған. Жобаның құны 2,8 млрд. теңгені құрады.

Құрылыс барысын бағамдаған облыс әкімі мердігерлердің жұмысын сынға алды. Тез арада құрылыс-монтаж жұмыстарына қосымша жұмысшыларды тартуды міндеттеді.

«Жапсарлас ғимарат мерзімінде тапсырылуы тиіс. Біз бірнәрсені ескеруіміз қажет. Есет батыр шағын ауданында құрылыс қарқынды салынып жатыр, тұрғындар саны артып келеді. Ал балаларды мектептерге орналастыру мәселесі әлі де өткір. Қазір бұл шағын ауданда үш мектеп жұмыс істейді. «Жайлы мектеп» ұлттық жобасы аясында мұнда 2000 орындық екі мектеп салынуда. №60 жұмыс істеп тұрған мектепке 600 орындық жапсарлас,

яғни

қосымша ғимарат салынуда. Осы нысандар іске қосылса, шағын аудандағы үш ауысымдық мәселесі жойылады. Сондықтан, құрылысшыларды көбірек тартып, жұмыстарды сапалы әрі уақытылы аяқтау керек», - деді әкім.

Өңір басшысы «Жайлы мектеп» ұлттық жобасы аясында бой көтеріп жатқан «Саяжай 1» және «Ақжар-2» тұрғын алаптарындағы тағы екі мектепке барды. Екі нысанның құрылысына «Бабек Құрылыс» ЖШС жауапты. Биыл екі мектепті де пайдалануға беру жоспарлануда.

Асхат Шахаров қарқынды түсірмеуді, белгіленген мерзімнен кешіктірмеуді және құрылыс сапасын қатаң сақтауды тапсырды.

Айта кету керек, өңірде 18 - «Жайлы мектеп» салынуда. Оның 13

-

і –

Ақтөбеде, екеуі – Темір ауданында, бір-бірден – Мәртөк, Мұғалжар және Шалқар аудандарында. 18 мектептің құрылысына республикалық бюджеттен 90 миллиард теңгеден астам қаржы қарастырылған. Білім ордалары пайдалануға берілсе, 15 мыңға жуық оқушы орны құрылады. Биылғы жылы 14 жайлы мектеп тапсырылуы тиіс.

Ақпарат көзі: ГУ «Акимат Актюбинской области»