ҚР Қаржы министрлігінің Әдеп жөніндегі уәкілі жұмыс сапарымен Қостанай облысы бойынша Мемлекеттік кірістер, Қазынашылық, Ішкі мемлекеттік аудит, Мемлекеттік мүлік және жекешелендіру департаменттерінің ұжымдарымен және Қостанай, Рудный қалалары бойынша Мемлекеттік кірістер, Қазынашылық басқармаларының қызметкерлерімен кездесулер өткізді.

Аталған ұжымдардың басшыларының мемлекеттік қызмет, сыбайлас жемқорлыққа қарсы іс-қимыл саласындағы заңнамалар талаптарының және Әдеп кодексі нормаларының орындалуы барысы туралы есептері тыңдалды.

Д. Әділханов мемлекеттік қызметшілерге биылғы жылы өзгерістер мен толықтырулар енгізілген заңдар туралы және 2024 жылғы 17-ші шілдеде ҚР Президентінің Жарлығымен бекітілген Қазақстан Республикасының мемлекеттік қызметін дамытудың 2024-2029 жылдарға арналған Тұжырымдамасы бойынша түсініктеме берді.

Кездесулер соңында  жеке қабылдаулар ұйымдастырылып, қызметкерлердің сұрақтарына нақты жауаптар беріліп, ұсыныстары назарға алынды.

Сонымен қатар, аумақтық департаменттер мен басқармалардың ағымдағы жөндеуден өткен ғимараттарының сапасы көңіл қуантатынын, оның ішінде Мемлекеттік кірістер департаментінің қызметкерлерге қолайлы жағдайлар жасап жатқандарына (спорт алаңдары, фитнес залы, жуынатын бөлмелері, қызметкерлерді таситын автобус бар) ризашылығын  білдірді. 

Жалпы, Қостанай облысы бойынша аумақтық департаменттердің ұжымдарында моральдық-психологиялық ахуал жоғары деңгейде екені атап өтілді.

Ақпарат көзі: Министерство финансов Республики Казахстан