Қазақстан Республикасындағы Адам құқықтары жөніндегі уәкіл Артур Ластаев Қазақстан Республикасы Ішкі істер министрлігі Қылмыстық-атқару жүйесі комитетінің Қостанай облысында орналасқан №41 мекемесінде болды. Іссапар барысында Уәкіл сотталғандардың жағдайымен танысып, әңгімелесті.

Мекеме толық қауіпсіздік санатына ие және 2 корпустан тұрады. Бұл - аса қауіпті қылмыскерлер жазасын өтейтін Қазақстандағы жалғыз колония. Мекемеде барлығы 209 адам жазасын өтеуде.

Уәкіл қамау орнының тыныс-тіршілігімен танысып шықты, негізгі үй-жайларды, оның ішінде медициналық-санитарлық бөлімшесін, ас үйді, асхананы, камераларды, жұмыс цехтарын аралады.

Мекемеде 68 бейнебақылау камерасы бар.

Тұтқындардың біразы шаруашылық отряды мен тігін цехына жұмысқа орналасқан, екеуі кәсіпкерлікпен айналысады – әйелдердің бірі таза былғарыдан сөмкелер тігеді, екіншісі, дәнекерлеуші, пеш қайнатады.

Сондай-ақ 2 медициналық-санитарлық бөлімше бар, алайда медициналық құжаттар электронды форматта емес, қағаз түрінде жүргізіледі. Бұл бөлімде бір дәрігер тұрақты жұмыс істейді, қалғандары келіп қызмет көрсетеді, оның ішінде 2 хирург, уролог, 2 психиатр, отоларинголог, 2 терапевт, инфекционист, УДЗ, дерматолог, тіс дәрігері бар. Сонымен қатар, қамаудағылар мамандарға күнделікті жүгіне алады.

Жақында мұнда арнайы палаталар жасақталды. Сотталғандармен психолог, теолог, имам да жұмыс істейді, демалыс бөлмесі бар.Қамаудағылардың құқықтарын қорғау, азаптаулар мен басқа да қатыгез, адамгершілікке жатпайтын, ар-намысты қорлайтын қарым-қатынас пен жазалау түрлеріне жол бермеу Қазақстан Республикасындағы Адам құқықтары жөніндегі уәкіл қызметінің басым бағыттарының бірі болып табылатынын атап өткен жөн.

Ақпарат көзі: Қазақстан Республикасындағы Адам құқықтары жөніндегі уәкіл