Қазақстанның бірнеше өңірін қамтыған «Құқықтық сағат» бастамасы аясында Адам құқықтары жөніндегі уәкіл Артур Ластаев Ақтөбе облысының тұрғындарымен сұхбаттасты. Шара барысында Уәкіл азаматтардың негізгі құқықтары мен оларды қорғау тетіктері туралы жан-жақты айтып берді.

Омбудсмен сондай-ақ Адам құқықтары жөніндегі уәкіл институтының рөлі мен міндеттерін түсіндіріп, «Адам құқықтары жөніндегі уәкіл туралы» Конституциялық заңның қабылдануының маңыздылығын атап өтті және бұл заң ұлттық құқық қорғау институтының қатысуын кеңейткенін атап өтті. Сондай-ақ өңірлерде Омбудсменнің адам құқықтары жөніндегі функцияларын күшейтті.

Айта кету керек, «Құқықтық сағатқа» кәсіпорын қызметкерлері мен теміржолшылар қатысты. Олардың алдында сөз сөйлеген Артур Ластаев жұмысшылардың құқықтарын қорғауда құқықтық сауаттылық пен біліктілік маңызды рөл атқаратынын жеткізді.

Ол кездесуге қатысушыларға «E-Otinish» электронды жүйесі – құқықтарының бұзылғаны туралы хабарлаудың немесе кеңес алудың ыңғайлы және қолжетімді тәсілі арқылы оған хат жолдауға болатынын еске салды.

Еске сала кетейік, іс-шара Уәкіл кеңсесінің басым бағыттарының бірі болып табылатын құқықтық білім беру аясында өтті. Жиынға Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның өңірлік өкілдері де қатысты. Олар әйелдер мен балалардың құқықтары, гендерлік теңдік және адам құқықтарын қорғаудың басқа да аспектілері туралы айтты.

Азаматтардың құқықтық сауаттылығын арттыру олардың құқықтық қорғалуын қамтамасыз ету жолындағы маңызды қадам болып саналады. Азаматтар өз құқықтары туралы неғұрлым көп білсе, оларға қиын өмірлік жағдайларда қорғану оңайырақ болады.

Құқықтық білім адамдарға өз құқықтарын, оларды қалай жүзеге асыруға болатынын және көмек сұрауға болатын ресурстарды жақсырақ түсінуге көмектеседі. Бұл - әрбір адамның құқықтары құрметтелетін және қорғалатын қоғам құрудың негізгі элементі және азаматтардың хабардар болуы қылмысты азайтуға және құқықтық тәртіпті нығайтуға ықпал етеді.

Құқықтық сауаттылықты арттыру жұмыстары аясында 2024 жылдың 6 айында 64 мыңнан астам адам біліммен қамтылғанын атап өткен жөн.

Ақпарат көзі: Қазақстан Республикасындағы Адам құқықтары жөніндегі уәкіл