Адам құқықтары жөніндегі уәкіл Артур Ластаев Қазақстандағы Парламентаризмді дамыту қорының басшысы Зәуреш Батталовамен және Қазақстандағы балаларға паллиативтік көмек көрсету қауымдастығының өкілдері Әлия Қадыралиева және Елена Сафоновамен кездесті.

Кездесуге қатысушылар балаларға паллиативтік көмек көрсету тәжірибесі, ауыр сырқаттан зардап шегетін ата-аналар мен балалардың проблемалары туралы айтты. Сондай-ақ балаларға паллиативтік көмек көрсетуді заңнамалық реттеу және оны ұйымдастыруға кешенді көзқарасты қамтамасыз ету мәселелері талқыланды.

Қазақстан Республикасындағы Адам құқықтары жөніндегі уәкіл талқыланып жатқан мәселенің маңыздылығын атап өтіп, кездесуге қатысушыларға балалардың проблемаларына алаңдағандары үшін алғысын білдірді және сапалы паллиативтік көмекті қамтамасыз етуде бар проблеманы шешуге көмектесуге дайын екенін білдірді.

Кездесу қорытындысы бойынша тараптар осы және басқа да мәселелер бойынша жан-жақты қзара ынтымақтастықты дамытуға келісті.

Ақпарат көзі: Қазақстан Республикасындағы Адам құқықтары жөніндегі уәкіл