Адам құқықтары жөніндегі уәкіл қызметтік сапарының барысында ҰАТ қатысушыларымен олардың жұмысында туындайтын өзекті мәселелерді, сотталғандардың жағдайларын жақсарту мақсатында мекемелерге бару мониторингінің тиімділігін арттыру жолдарын талқылады.

Омбудсмен ҰАТ цифрлық есеп беруге көшіп жатқанын еске салып, енді барлық есептер электронды түрде дайындалуы тиістігін, бұл олардың жұмысын айтарлықтай жеңілдететінін атап өтті.

«Уәкіл институты ҰАТ қызметін және оның халықаралық стандарттарға сәйкестігін жақсартуға бағытталған жаңа тәсілдерді енгізу және процестерді оңтайландыру бойынша шаралар қабылдауда. Бізде әлі де көп шаруа бар. Барлық мүдделі тараптардың бірлескен күш-жігері мен тұрақты диалогы – елдегі азаптаулар мен қатыгездіктің алдын алу бойынша табысты жұмыстың кепілі», - деді Артур Ластаев кездесу барысында.

ҰАТ қатысушылары өз тарапынан уәкілетті органдармен жемісті ынтымақтастықты атап өтті.

Бұл ретте белсенділер өкілетті мекемелерге түгендеу жүргізуді ұсынды. Олар медициналық қызметтің сапасын арттырып, интернетке қолжетімділікті қамтамасыз ету қажеттігін атап өтті.

Өткен ғасырдың басында салынған мекеме ғимараттарына толық жөндеу жұмыстарын жүргізу туралы мәселе қозғалды.Мекемелердің әкімшілігі тарапынан ашықтық пен жауапкершілікті қамтамасыз ету жұмыстарына ерекше назар аударылды.

Сондай-ақ отырыста ҰАТ қатысушыларының біліктілігін арттыру және тұрақты түрде оларға аргалған тренингтер өткізу мәселесі талқыланды.

Артур Ластаев Уәкіл кеңсесі ҰАТ жұмысына жан-жақты қолдау көрсететінін айтып,кездесу соңында ҰАТ қатысушыларына адам құқықтарын қорғаудағы қызметтері үшін алғысын білдірді.

Ақпарат көзі: Қазақстан Республикасындағы Адам құқықтары жөніндегі уәкіл