Адам құқықтары жөніндегі уәкіл Артур Ластаев өңіплердегі өкілдерімен бірге сотталғандардың құқықтарының сақталуы мен оларды ұстау жағдайларын қадағалау мақсатында түзеу мекемелеріне тұрақты түрде баратынын айтты.

Өкілдер барған кезде ең алдымен мекемелердің бейнебақылау камераларымен қамтылуына назар аударады.

«Түзеу мекемелерінің барлығында дерлік соқыр нүктелерді камерамен қамтамасыз ету 100%-ға жуықтады. Біз барған кезде ең алдымен мынау сауалдарға жауап іздейміз – түзеу мекемесі 100% камералармен жабдықталған ба, бұл жүйе қалай жұмыс істейді, бейнекамералардағы жазбалар тікелей прокуратура мен Қылмыстық атқару жүйесі комитетіне түсе ме, қылмыс жасаған (азаптау) қызметкер қылмыстық жауапкершіліктен құтылып кетпей ме?», - деп атап өтті Артур Ластаев.

Уәкіл сондай-ақ құқық қорғау органдарының қызметкерлері әдетте заңгер болып саналатынын, сондықтан олар заңның қалай орындалып жатқанына мұқият қарайтынын жеткізді.

Ақпарат көзі: Қазақстан Республикасындағы Адам құқықтары жөніндегі уәкіл