23 шілдеде Адам құқықтары жөніндегі уәкілдің кеңсесінде Салтанат Тұрсынбекова мен Ислам Ынтымақтастығы Ұйымының Адам құқықтары жөніндегі тәуелсіз тұрақты комиссиясы (ИЫҰ АҚТТК) Хатшылығының атқарушы директоры Нұра Зейд Альшрудтың кездесуі өтті.Кездесу барысында Салтанат Тұрсынбекова Қазақстан мен ИЫҰ және оның институттары арасындағы бүгінгі күні қол жеткізілген өзара іс-қимыл деңгейіне тоқталып, Уәкіл кеңсесінің қызметі туралы айтып өтті. Сондай-ақ жүргізілген конституциялық реформа мен Қазақстандағы адам құқықтары саласындағы әлеуетті нығайтуға бағытталған жұмыстардың барысы туралы хабардар етті.Уәкіл кеңсесінің басшысы 2024 жылдың бірінші жартыжылдық қорытындысы бойынша Уәкіл мен оның өңірлердегі өкілдеріне түскен шағымдар санының өскенін, ағымдағы жылдың алғашқы алты айында 3148 арыз-шағым түскенін, бұл өткен жылдың осы кезеңімен салыстырғанда 13,3%-ға көп екенін айтып өтті. Бұл динамика, Салтанат Тұрсынбекованың айтуынша, Қазақстан азаматтарының Омбудсмен институтына деген сенімінің артқанын көрсетеді.Сонымен қатар, түзеу және медициналық-әлеуметтік мекемелерге бару жұмыстары жалғасуда. Осындай мекемелерге барудағы мақсат жабық мекемелердегі азаматтардың құқықтары мен оларды ұстау шарттарының сақталуына мониторинг жүргізу. Соңғы жарты жылда Уәкілдің өңірлердегі өкілдері 396 рет мекелер мен ұйымдарға барған. Қазақстан Республикасындағы Адам құқықтары жөніндегі уәкіл Артур Ластаев жұмыс сапарымен еліміздің 5 өңірінде болып, 9 түзеу және әлеуметтік мекемеде болды.Сондай-ақ, Адам құқықтары жөніндегі уәкіл мен оның өкілдері халықты құқықтық ағарту жұмыстарын жалғастыруда. Есепті кезеңде барлығы 265 іс-шара ұйымдастырылып, өткізілді.Уәкілдің Қазақстан Республикасы Үкіметіне жолдаған, соның ішінде сотталғандарға жоғары білім алу мүмкіндігін беру және заманауи көпсалалы колонияларды салу мәселелеріне қатысты бастамаларын ерекше атап өткен жөн. Оларды жүзеге асыру сотталғандардың жағдайын жақсартуға және білім беру бағдарламаларына қолжетімділікті қамтамасыз етуге мүмкіндік берер еді.Нұра Заид Альшруд Қазақстандағы адам құқықтарын қорғау саласындағы оң үрдістерді атап өтіп, Қазақстан Республикасындағы Адам құқықтары жөніндегі уәкіл мен ИЫҰ Адам құқықтары жөніндегі тәуелсіз тұрақты комиссиясы арасындағы ынтымақтастық туралы меморандумға қол қою арқылы ынтымақтастықты кеңейтуге дайын екенін білдірді.Кездесу қорытындысы бойынша тараптар өзара мүдделі ынтымақтастық салаларында белсенді іс-қимылды жалғастыруға келісті.

Ақпарат көзі: Қазақстан Республикасындағы Адам құқықтары жөніндегі уәкіл