Ресей Қорғаныс министрінің кубогына арналған жарыста армия спортшылары күміс пен екі қола медаль иеленді.

Әскери қызметшілер арасындағы күрес сайысы Тыва Республикасының астанасы – Қызыл қаласында өтті. Оған Беларусь, Қазақстан, Моңғолия, Ресей және Тунистен жүздің үстінде спортшы қатысты. 

Қазақстандық қатардағы жауынгер Сұлтан Әсетұлы (67 келі) Грайр Оганесянға есе жіберіп күміс жүлде олжалады. 

Беларусь елінен келген спортшыны жеңген ефрейтор Мейіржан Әшіров (74 келі) пен тунистік қарсыласын ұтқан қатардағы жауынгер Дінислам Сағитжан (77 келі) қола еншіледі. 

– Бұл турнирге біз мұқият дайындалдық. Күрес керемет, тартысты болды. Біздің балуандар жақсы техника мен тамаша нәтижелер көрсетті, – деді балуандар командасының бастығы майор Абай Қарғабай.

Ақпарат көзі: Министерство обороны Республики Казахстан