Конституциялық Сотта Парламентаризм институтының директоры Қ.Сафинов, қызмет бағыттары бойынша атқарушы директорлар Д.Әділбеков, А.Қанатов және Ж.Тулиндиновамен кездесу өтті.

Тараптар сараптамалық қолдау көрсету бойынша ынтымақтастыққа өзара қызығушылық танытты.

Кездесу қорытындысы бойынша Конституциялық Сот Аппараты мен Президент іс басқармасы жанындағы Материалдық-техникалық қамтамасыз ету басқармасының «Парламентаризм институты» ШЖҚ РМК арасында талдамалық материалдармен алмасуды, құқықтық мәдениетті арттыру және конституциялық заңдылық режимін нығайту мәселелері бойынша ғылыми-практикалық сипаттағы бірлескен іс-шаралар өткізуді көздейтін өзара түсіністік туралы Меморандумға қол қойылды.

Ақпарат көзі: Қазақстан Республикасының Конституциялық Соты