Құтқарушылар күні қарсаңында Павлодар облысы ТЖ департаментінің басшылығы қызметтік борышын орындау кезінде қаза тапқан бөлімше командирі Машрап Арыстанбек Дулатұлына арналған мемориалдық тақтаның ашылуына қатысты.

Іс-шараға ардагерлер, батырдың туыстары мен әріптестері қатысты. ТЖД бастығы Рустамбек Амрин өз сөзінде адамдарды құтқару үшін өз өмірін қиған қызметкерлердің батылдық іс-әрекеттері өшпес із екенін атап өтті.

«2021 жылғы 25 ақпанда қызметтік борышын атқару кезінде қаза тапқан Машрап Арыстанбек Дулатұлы  өмірінің соңғы минуттарына дейін өзінің қызметтік борышын адал атқарды. Оның батылдығы мен батырлығы жас қызметкерлер үшін жарқын үлгі болып табылады», - деп атап өтті Департамент басшысы.

Арыстанбек Машрап 2018 жылы өрт сөндіру қызметіне келіп, бөлімше командиріне дейін жұмыс атқарды. Жас кезінен бастап грек-рим күресімен белсенді айналысты, облыстық, халықаралық жарыстарға қатысты, түрлі үлгідегі марапаттар, грамоталар мен медальдарға ие болды.

2021 жылғы 25 ақпанда 12-ӨСБ бөлімшесінің командирі азаматтық қорғау сержанты Арыстанбек Машрап әдеттегідей ауысымға шықты. Шақыру келіп түскен кезде Ақсу қаласының шағын аудандарының бірі отқа оранып, дереу өртке шықты. Өртпен күресу кезінде, және антқа адал болған жауынгер, қауіп-қатерге қарсы табандылық пен батылдық танытып, өртті сөндіру кезінде қаза тапты.

Қазақстан Республикасы Президентінің Жарлығымен әскери және қызметтік борышын орындау кезінде көрсеткен батырлығы мен жанқиярлығы үшін Арыстанбек Машрап (қайтыс болғаннан кейін) ІІІ дәрежелі «Айбын» орденімен марапатталды.

Арыстанбек қызмет еткен № 12 Өрт сөндіру бекетінің аумағында өрт сөндірушінің құрметіне мемориалдық тақта орнатылды. Жиналғандар бір минут үнсіздікпен батырды еске алып, ескерткіш тақтаға гүл шоқтарын қойды. Өрт сөндіруші Арыстанбек Машрап мәңгі біздің жүрегімізде, ол Отанға жанқиярлықпен қызмет етудің үлгісі болып табылады. 

Павлодар облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан