ҚР АШМ ЖРБК Павлодар облысының Жер ресурстарын басқару департаменті Баянауыл ауданы Александровка ауылының тұрғынының өтініші және жер қатынастары бөлімінің хаты негізінде тексеруге бастама жасады. Тексеру барысында ЖШС-ге пайдалы қазбаларды өндіруге арналған келісімшарт бойынша жер қойнауын пайдалану құқығы берілгені анықталды.Алайда, ЖШС жер пайдалану құқығын ресімдеу үшін жергілікті атқарушы органға жүгінбеді, осылайша ҚР Жер Кодексінің 43-бабы 10-тармағының талаптарын бұзды.Осы факті бойынша тексеру субъектісіне 1 ай мерзімге ұйғарым берілді, ол 100 АЕК мөлшерінде айыппұл салумен әкімшілік жауапкершілікке тартылды. "Әкімшілік құқық бұзушылық туралы" ҚР Кодексінің 136-бабына сәйкес бұл әрекет жерге мемлекеттік меншік құқығын бұзу ретінде сараланады.

Ақпарат көзі: Министерство сельского хозяйства Республики Казахстан