«ПСИХОТЕХНОЛОГИЯ ӘЛЕМІ: ПРОБЛЕМАЛАР МЕН ПЕРСПЕКТИВАЛАР» ХАЛЫҚАРАЛЫҚ КОНГРЕСІ ӨТТІ

  Maqsut Narikbayev University-де «Психотехнология әлемі: проблемалар мен перспективалар» Халықаралық конгресі өтті. Іс-шара осы саланың өзекті мәселелері мен даму перспективаларын талқылау, тәжірибе алмасу және психотехнология саласындағы жаңа зерттеулерді ұсыну үшін әлемнің әртүрлі елдерінен психотехнология саласындағы жетекші мамандарды жинады. Аталған шараға Қазақстан, Өзбекстан, Қырғызстан, Ресей, Беларусь, Әзірбайжан, Австрия, Үндістан, АҚШ және Канададан жүзден астам ғалымдар мен практиктер қатысты. Сондай-ақ 400-ге жуық адам онлайн және офлайн режимде қатысты.

  Конгресстің басты мақсаты – психотехнологияны дамытудың оң және теріс жақтарын анықтау, саланың қоғамның психикалық әл-ауқатына әсерін талқылау. Қатысушылар өз зерттеулерінің нәтижелерімен бөлісіп, анықталған мәселелерді шешуді ұсынды.

  ҚР Парламент Мәжілісінің депутаты Айна Мысырәлімованың айтуынша, қазіргі уақытта психологиялық көмек туралы заң жобасын әзірлеумен эксперттік топ жұмыс істеп жатыр. «Мұндай заң жобасын құру үшін, бізге ең алдымен психологтың этикалық кодексі қажет. Бізде кәсіби дағдылары жоқ және осы саланы ақша табу үшін ғана пайдаланатын көптеген псевдопсихологтар бар екенін білеміз. Жалпы, бұл бағытта бірқатар проблемалар бар», - деді депутат.

  Сонымен қатар конгресс бағдарламасында пленарлық және секциялық отырыстар, дәрістер, шеберлік сыныптары, сондай-ақ Азия психотерапия Федерациясының, халықаралық әлеуметтік психотерапевтер, консультанттар және психотехнологтар қауымдастығының съездері болды.

  Сондай-ақ шара барысында мүдделі серіктестермен дөңгелек үстелдер мен екіжақты кездесулер өткізілді. Конгресстің негізгі тақырыптары психотерапия мен кеңес берудегі жаңа технологияларды, балалар мен жасөспірімдерге көмек көрсетуді, терең психологияны, ойын практикасын, этно-мәдени кеңес беруді, психиатриядағы сәйкестікті, бизнес пен басқарудағы психотехнологияны, білім беру мен қауіпсіздікті қамтыды. Мамандар өз әзірлемелерін ұсынып, осы саладағы ең жаңа жетістіктерді көрсете отырып, шеберлік сыныптарын өткізді. Бұл конгресс қауіпсіз және тиімді психотехнологиялық қызметті дамытуға ықпал ететін ғылыми қауымдастыққа, Индустрия және мемлекеттік органдар арасындағы өзара әрекеттесу алаңына айналды.

  Айта кету керек, конгресстің маңызды нәтижесі психотехнологияны жеке ғылыми пән ретінде тану. Оған «Психотехнология» базалық нұсқаулығының басылымы түрткі болды, бұл психотехнологиялық қызметтің одан әрі дамуы мен сапасын арттырудың жаңа перспективаларын ашпақ.

Ақпарат көзі: Қазақстан Республикасы Ғылым және жоғары білім министрлігі