1 тамызда компанияларды Alibaba.com платформаға шығару бойынша қазақстандық экспорттаушыларға арналған бағдарламаға іріктеудің екінші кезеңі басталады.

Бағдарламаның операторы ҚР сауда және интеграция министрлігінің «QazTrade» АҚ болып табылады.

Кәсіпкерлерге арналған «Gold Supplier» мәртебесі жаһандық аудиторияға қол жеткізуге, Alibaba.com платформада өндірушінің танымалдығы мен имиджін арттыруға және ең бастысы – сатылымды арттыруға мүмкіндік береді.

Бағдарлама шеңберінде платформада жұмыс істеу және тауарларды жылжыту бойынша оқыту, өнімді экспорттау кезінде толық сервистік қызмет көрсету және сүйемелдеу көзделген.

Осы кезеңде Alibaba.com платформаға шығару үшін тағы 30 қазақстандық шикізаттық емес өнім берушілер іріктеледі

Бағдарламамен толығырақ келесі сілтеме бойынша танысуға болады: https://www.youtube.com/watch?v=6dflbYV-VZo

Бизнестің бағдарламаларға қатысуы тегін. Екінші кезеңге қатысуға өтінімдер 1-31 тамыз аралығында қабылданады.

Alibaba.com платформасына шығу бағдарламасына өтініш беру үшін, сілтеме бойынша өтуіңізді сұраймыз: https://forms.gle/9XGGUzKYZBhSRQHv6

QazTrade шикізаттық емес экспортты дамыту және ілгерілету саласындағы ұлттық институт бола отырып, отандық экспортқа бағдарланған кәсіпорындарға келесі қолдау көрсетеді:

-сыртқы нарықтарға шығу мәселелері бойынша консультациялық-талдамалық қолдау;

- халықаралық электрондық алаңдарға шығару;

- экспорттық акселерация бағдарламасы;

- сервистік қолдау (сауда-экономикалық миссияларға, халықаралық көрмелерге қатысу);

- қазақстандық өнімді сыртқы нарықтарға жылжыту және жеткізу бойынша шығындарды өтеу.

Толық ақпарат алу үшін байланыстар:

+ 7 778 674 88 47 Алуа, +7 775 371 04 27 Нурсултан

Ақпарат көзі: Министерство торговли и интеграции Республики Казахстан