25 маусымында Вашингтонда ҚР Әділет министрі Азамат Есқараев АҚШ Бас прокурорының көмекшісінің орынбасары және АҚШ Әділет министрлігінің халықаралық мәселелер жөніндегі кеңесшісі Брюс Шварцпен кездесті.

АҚШ Әділет министрлігінің өкілдері өз ведомство жұмысының ерекшелігі туралы хабарлады. Өз кезегінде қазақстандық тарап елдегі құқық үстемдігін нығайту үшін қабылданған соңғы шараларды таныстырды.

Тараптар өзара тиімді ынтымақтастықтың басым бағыттарын айқындады, сондай-ақ екі жақты қатынастарды нығайту үшін жүйелі түрде кездесулер өткізіп тұруға уағдаласты.

Ақпарат көзі: Министерство юстиции Республики Казахстан