Құрметті қазақстандықтар!Барша мұсылман қауымы үшін қасиетті Құрбан айт мерекесімен шын жүректен құттықтауымды қабыл алыңыздар!Құрбан айт – мейірім мен құлшылық мерекесі. Ағайынның ауызбіршілігін арттыра түсетін, имандылыққа ұйытып, қанағат пен тәубеге шақыратын ұлық мейрам.Бұл күнді атап өту - елдегі мәдени және рухани құндылықтарды қолдап, дамытуда, қоғамдағы бейбітшілік пен келісімді нығайтуда үлкен рөл атқарады. Осынау айтулы күндерде әрбір адам игі істер жасауға, жақындарына қамқорлық көрсетуге, көмекке мұқтаж жандарға қол ұшын созып, айналасына қуаныш сыйлауға тырысады.Біз ұлттық дәстүрді сақтай отырып, қоғамдағы бірегейлікті дамытуға ықпал етуді және қазақ халқының сан ғасырлық мәдени-тарихи мұрасын қолдауды жалғастырамыз.Ел-жұрттың амандығы үшін құрбан шалынып, мейірім мен кешірімге үндейтін Құрбан айт мейрамы баршаңыздың отбасыларыңызға ырысы мен берекесін ала келсін!Құрбан айт мейрамында тілеген тілектеріңіз бен шалған құрбандықтарыңыз қабыл болсын.Әрбір отбасына амандық, мықты денсаулық, мол ырыс пен бақ-береке тілеймін!

Құрметпен,Қазақстан Республикасындағы Адам құқықтары жөніндегі уәкілАртур Ластаев

Ақпарат көзі: Қазақстан Республикасындағы Адам құқықтары жөніндегі уәкіл