25 қазан - біздің еліміздің тарихында маңызды орын алатын ерекше күн. Бұл күні 1990 жылы Егемендік туралы декларация қабылданып, Қазақстан тәуелсіз мемлекет ретінде өзінің саяси-құқықтық негіздерін қалады.

Декларацияда бекітілген елдің мемлекеттілік қағидаттары кейіннен Қазақстан Республикасының Конституциясында жарияланды.

Мемлекет басшысының бастамасымен оның тарихи маңыздылығын ескеріле отырып, Республика күніне ұлттық мереке мәртебесі берілді.

Осы атаулы күні Отанымыздың одан әрі өркендеуін және берекелі болуын тілейміз. Халықтың бірлігі, татулығы мен келісімі Қазақстан мемлекеттілігінің іргетасы болып қала берсін.

Ақпарат көзі: Қазақстан Республикасының Конституциялық Соты