Бүгін Қазақстан Республикасы Экология және табиғи ресурстар вице-министрі Мансұр Ошурбаев Петропавл қаласында Солтүстік Қазақстан облысының халқымен, коммерциялық емес және қоғамдық ұйымдардың өкілдерімен кездесу өткізді.

Өз сөзінде вице-министр айап өткендей, бүгінгі таңда Солтүстік Қазақстан облысы еліміздің экологиялық қолайлы өңірлерінің бірі болып табылады. 2023 жылы шығарындылардың жалпы көлемі 34 мың тоннаны құрады, оның 72,7% энергетикаға тиесілі. Облыс бойынша өнеркәсіптік шығарындылардың негізгі үлесі «СевКазЭнерго» АҚ компаниясына тиесілі.

Ірі кәсіпорындардың эмиссияларын бақылау мақсатында Министрлікке деректерді бере отырып, мониторингтің автоматтандырылған жүйесін (АЖМ) енгізу бойынша жұмыс жүргізілуде. Солтүстік Қазақстан облысында шығарындылар бойынша АЖМ қондырғысы «СевКазЭнерго» АҚ көздерінде, "Қызылжар су" ЖШС төгінділері бойынша, сондай-ақ Петропавл қаласы әкімдігінің тазарту құрылыстарында көзделген.

Өңірдегі экологиялық ахуалды жақсарту мақсатында облыстың экологиялық проблемаларын кешенді шешу бойынша Жол картасы әзірленіп, бекітілді, онда 15 іс-шара көзделген, оның 8-і орындалды.

Облыс бойынша рұқсат етілмеген полигондар санының азаюының оң динамикасы байқалады. Егер 2020 жылы 581 орын анықталса, 2023 жылы – 2 есе аз - 274, ал 2024 жылы  – 58. 2023 жылғы барлық полигондар жойылды, ағымдағы жылы-жою процесінде.

Сонымен қатар қолданыстағы полигонды қалпына келтіру және облыс аудандарында 8 жаңа ҚТҚ полигонын салу бойынша іс-шаралар жоспары әзірленді (Ақжар, Аққайың, Жамбыл, Тайынша,Тимиряз, Уәлиханов аудандары, Ғ.Мүсірепов атындағы аудан, М.Жұмабаев ауданы). Іске асыру мерзімі 2027 жыл.

Кездесу аясында вице-министр азаматтарды жеке қабылдап, өңірлік бұқаралық ақпарат құралдарымен брифинг өткізді.

Ақпарат көзі: Министерство экологии, геологии и природных ресурсов Республики Казахстан