Адам құқықтары жөніндегі уәкіл кеңсесінің меңгерушісі Салтанат Тұрсынбекова «Әмбебап кезеңдік шолудың төртінші кезеңіне дайындық: үшінші кезең қорытындылары бойынша қолдау алған ұсынымдардың орындалуын талқылау» атты дөңгелек үстелге қатысты. Іс-шараны БҰҰ Даму бағдарламасы, БҰҰ Адам құқықтары жөніндегі Жоғарғы Комиссары Басқармасы және Қазақстан Республикасындағы БҰҰ Тұрақты үйлестірушісі кеңсесінің қолдауымен Қазақстан Республикасы Әділет министрлігі ұйымдастырды. Дөңгелек үстелге халықаралық ұйымдар мен мемлекеттік органдардың, азаматтық және ғылыми қоғамдастықтардың өкілдері қатысты.Әмбебап кезеңдік шолудың (UPR) Ұлттық адам құқықтары институтын Париж қағидаттарына сәйкес нығайтуға қатысты, азаптауды және басқа да қатыгездік пен жазалауды болдырмау, тиімді тергеу, судьялар мен адвокаттардың тәуелсіздігін қамтамасыз ету туралы, сондай-ақ салауатты ортаға құқықтылық сияқты ұсынымдары талқыланды.Қатысушылар ұсыныстар білдіріп, ой-пікір алмасты, ағымдағы процестерді және 2019 жылғы шолудан кейінгі UPR ұсынымдарын орындау шараларын жақсартуға қатысты ескертулер жасады. Айта кету керек, БҰҰ-ның Адам құқықтары жөніндегі кеңесіне мүше мемлекеттердің 245 ұсынымының ішінде Қазақстан Үкіметі 214 ұсынысты, оның ішінде Омбудсмен институтына қатысты ұсыныстарды қолдады және жүзеге асыруда.Дөңгелек үстел қорытындысы бойынша қатысушылар жалпы адам құқықтарын қорғауды күшейту үшін халықаралық ұйымдармен және азаматтық қоғаммен одан әрі жемісті ынтымақтастыққа дайын екендіктерін білдірді.

Ақпарат көзі: Қазақстан Республикасындағы Адам құқықтары жөніндегі уәкіл