Қызылорда облысына жұмыс сапары барысында сауда және интеграция вице-министрі Қайрат Төребаев облыс әкімінің орынбасары Ардақ Зебешевпен бірге өңірдің бірқатар өнеркәсіптік және сауда нысандарын аралады.

Вице-министр күріш пен фри картобын өндіретін «Абай Дәулет» ЖШС және тұз бен күріш өндіретін «Алтын Орда» ЖШС зауыттарының жұмысымен танысты. Қызылорда облысы елдің күрішінің 90% өндіріп, жақын және алыс шетелдерге экспорттайды. Кездесуде өнімді экспорттау мәселелері және оларды шешу жолдары талқыланды.

Вице-министр «Orda Glass Ltd» зауытының   Ресей, Өзбекстан, Қырғызстан, Тәжікстан және Грузияға экспортталатын табақ шыны өндірісімен танысты. Биыл зауыт қуаттылығы жылына 5 млн шаршы метр, құны 6,7 млрд теңге болатын энергия үнемдейтін шыны өндіру бойынша жаңа жобаны іске қосты.

Мондай-ақ, Қайрат Төребаев құрылысы жүріп жатқан «Сұлтан-2» сауда базарында болып, «Асбол» базарын жаңғырту жұмысымен танысты. Нысандарды аралағаннан кейін вице-министр кәсіпкерлермен кездесу өткізіп, олардың өзекті мәселелерін тыңдады.

«Игіліков Т.»  ЖШС директоры Төребек Игіліков өнімдерін экспорттау бойынша көлік шығындарының бір бөлігін өтеу мәселені көтерді. Кәсіпкерге оның өтінішіне қатысты оң шешім қабылданғаны және қаржыландыру кезектілік тәртібімен жіберілетіні айтылды.

Кездесу барысында Қайрат Төребаев Қазақстанның экспорты 2024 жылғы қаңтар-мамырда 1,8% - ға өсіп, 32,5 млрд. АҚШ долларын құрады. Бұл ретте шикізаттық емес тауарлар мен қызметтердің экспорты 13 млрд доллардан асқанын айтты.

«Министрлік жаңа өткізу нарықтарының пайда болуы және отандық өндірушілермен ынтымақтастықты күшейту үшін қолайлы жағдайлар жасау бойынша белсенді жұмыс істеуді жалғастыруда», - деп толықтырды вице-министр.

«Қармақшы құс» ЖШС директоры Нұрлан Іздібаев пен күріш өндірушілер мен өңдеушілер қауымдастығының өкілі Сағидолла Сыздықов вице-министрмен құс еті мен күріш өнімдерін Қытайға экспорттау мәселелерін талқылады. Тараптар өнімді экспорттау үшін тиісті рұқсат құжаттарын, оның ішінде сапа сертификаттарын жинау туралы уағдаласты. Мәселе ҚР Ауыл шаруашылығы министрлігімен бірлесіп пысықталатын болады.

Жеке қабылдау барысында бизнес өкілдері сауда базарларын жаңғырту, шыны өнімдерін экспорттау және отандық өнімдерді экспорттау үшін вагондарды ұлғайту мәселелерін де көтерді. Вице-министр мұның бәрін бақылауға алып, қазіргі проблемаларды шешу жолдарын іздеу үшін мүдделі мемлекеттік органдармен талқыланатынын атап өтті.

Ақпарат көзі: Министерство торговли и интеграции Республики Казахстан