Өмір сүру ұзақтығының өсуімен емі электрондық құрылғыларды имплантаттаумен байланысты аурулардың спектрі кеңеюде. Кардиологияда оларға электрокардиостимуляторлар, дефибрилляторлар, жүрек ресинхронизаторлары жатады. Олар кенеттен қайтыс болудың алдын алу, брадикардияны, тахикардияны және жүрек функциясының жеткіліксіздігін емдеу үшін қолданылады. Шығыс Қазақстан мамандандырылған медициналық орталығының дәрігерлері жыл сайын осы бағыттағы технологиялық көмектің қолжетімділігін арттыруда.

«Заманауи медицинаның жетістіктері жүрек-қан тамырлары ауруларынан, соның ішінде өмірге қауіп төндіретін аритмиядан зардап шегетін пациенттерге көмектің спектрін кеңейтуге мүмкіндік берді. Кардиостимуляторларды, дефибрилляторларды-кардиовертерлерді және ресинхрондау құрылғыларын имплантаттау маңызды рөл атқарады. Жақында біз облысымыздың үш тұрғынына осындай имплантаттау жүргіздік», — дейді ШҚ ОММО инновациялық медицина бөлімшесінің резидент-дәрігері Ғұмар Кәденов.

Алтай ауданының 72 жастағы тұрғыны Надежда Бригаденко қатты ауырып, ауруханаға түсті, аритмия зейнеткердің өміріне қауіп төндірді.

«Арнайы кардиовертерді-дефибрилляторды имплантаттау жүргізілді, ол баяу немесе жылдам импульсті ғана емес, сонымен қатар прогрессивті жүрек функциясының жеткіліксіздігін де реттейді», — дейді ШҚ ОММО дәрігерлері.

«Дәрігерлердің мейірімділігіне, қамқорлығына, біліктілігіне өте ризамын! Олар мені отбасыма, балаларым мен немерелеріме оралтты», - дейді Надежда Александровна.

Өскемен қаласының 59 жастағы тұрғыны Нұрлан Тоқсанғалиев ұзақ жылдар бойы жүрек ауруынан зардап шеккен. Үнемі жүректің кенеттен тоқтап қалу қаупі болды.

«Пациентке жүректің соғу жиілігін үнемі талдайтын және ол күрт төмендеген жағдайда аппарат аздаған токтың разрядымен жүректі қайта «іске қосатын» кардио-дефибриллятор орнатылды», — деп түсіндірді Ғұмар Кәденов.

Бұл жоғары технологиялық медициналық көмек МӘМС шеңберінде жүргізілгенін, дәрігерлердің айтуынша, осындай бір аппараттың құны шамамен 5 миллион теңге тұратынын айта кеткен жөн. Тарбағатай ауданының 63 жастағы тұрғыны Мәншүк Әдешоваға құны 8 миллион теңгеге жуық кардио-ресинхрондау терапиясы аппараты имплантатталды.

«Мен дәрігерлерге өте ризамын, енді МӘМС не үшін қажет екенін білемін. Менің ойымша, мұндай соманы 8 жыл жинасам да жинай алмас едім», — деп көзіне жас алды Ақжар ауылынан осы көмекке келген Мәншүк Әскербекқызы.

Жүректі ресинхрондау терапиясын қолдану пациенттер үшін дәрі-дәрмек препараттарымен емдеу тиімді болмаған жүрек функциясының созылмалы жеткіліксіздігі бар пациенттер жағдайының тұрақты жақсаруымен және симптомдарының төмендеуімен қатар жүреді. Барлық пациенттер үйге аман-есен шығарылды.

ШҚО-да Мамандандырылған медициналық орталықта хирургия, нейрохирургия, кардиология, тамырлы хирургия бағыттары бойынша жоғары технологиялық медициналық көмек санатынан 130-дан астам операция жасалатынын қосымша хабарлаймыз.

Ақпарат көзі: Министерство здравоохранения Республики Казахстан