Шымкенттегі "Оңтүстік" өңірлік қолбасшылығының механикаландырылған бригадасына сол өңірден 40 және Жамбыл облысынан 35 әскерге шақырылушы келді. 

35748 әскери бөлімі олардың келуіне аса мұқият дайындалды. Әр команданы әскери оркестрдің сүйемелдеуімен қарсы алды.

Бөлім басшылығы әр жас сарбазды алдағы қызметімен таныстырып, оларды алғашқы күнінен бастап барлығына тиісті көңіл бөлінетінін көрсету керек деп санайды.

Әскерге шақырылушыларды бригаданың командалық құрамымен таныстырып, оларға қызмет өткеретін әскери бөлімнің тарихы туралы айтып берді.

– Біз әдеттегі азаматтық өмір салтын армия өміріне ауыстырдық. Шынымды айтсам, өзімді әскери формада көру қызық, бірақ жаңа мәртебеде – әскери күйде сезіну ұнады. Бір жыл жылдам әрі тиімді өтеді деп ойлаймын, – деді Ержігіт Сатыбалды.

Терең психологиялық тестілеуден кейін әскерге шақырылушылар жас жауынгер курсынан өтеді. Отыз күн ішінде олар жалпы әскери дайындықтың негізгі пәндері бойынша білім алады. Оқыту саптық, дене шынықтыру, атыс, әскери-медициналық дайындық, жалпыәскери жарғылар және әскери қызмет қауіпсіздігі негіздері бойынша сабақтарды қамтиды.

Әскерге жаңа келгендер жиыны Отанға адал болу үшін әскери ант қабылдау рәсімімен аяқталады.

Ақпарат көзі: Министерство обороны Республики Казахстан