92835 әскери бөлімінде әскерлерді далалық жағдайда топогеодезиялық ақпаратпен қамтамасыз етуді ұйымдастыру тақырыбы жөнінде тактикалық-арнайы оқу-жаттығу өтті.

Оқу-жаттығу барысында қорғаныс операциясы кезіндегі геоақпараттық қамтамасыз ету шараларын жоспарлау жөніндегі бөлім штабының қызметі пысықталды. 

Жауынгерлік әзірлікті жоғары дәрежеге келтіргеннен кейін топогеодезиялық базаның жеке құрамы жауынгерлік мақсаттағы ауданға жорық жасады. Сол жерде әскери қызметшілер қорғаныс операциясында әскерлерді геоақпараттық қамтамасыз ету шараларын орындады. 

Жауынгерлік ахуалға барынша жақындатылған жағдай жасалды. Бірлескен жұмыстарды орындау кезінде бөлімшелерді үйлестіруге ерекше назар аударылды.

Оқу-жаттығу теориялық білімді игеруге және жеке құрам мен бөлімшелердің практикалық дағдыларын жетілдіруге бағытталған. 

Шаралар ҚР Қарулы күштері Бас штабы Геоақпараттық қамтамасыз ету департаментінің 2024 оқу жылына арналған дайындық жоспарына сәйкес өткізілді.

Ақпарат көзі: Министерство обороны Республики Казахстан