2024 жылғы 11-13 қыркүйек аралығында Чехияның Брно қаласында ЮНЕП «Тұрақты органикалық ластағыштар туралы Стокгольм Конвенциясының міндеттемелерін орындаудың Ұлттық жоспарына шолу және жаңарту» жобасы аясында тренинг өтті.

Тренинг тақырыбы: Қоршаған ортадағы ЖҚОЛ мониторингі, дерекқорды басқару және өңдеу. Бұл семинарға 8 елдің өкілдері қатысты: Албания, Армения, Босния және Герцеговина, Грузия, Қазақстан, Солтүстік Македония, Молдова және Черногория. Қазақстаннан Экология және табиғи ресурстар министрлігінің, «Жасыл даму» АҚ өкілдері және жоба сарапшылары қатысты. Тренинг барысында 16-дан астам дәріс тыңдалды, олар бойынша 4 топтық сабақ өткізілді. Сондай-ақ, әр ел өз еліндегі жағдай туралы презентация ұсынды. Қазақстаннан екі сарапшы сөз сөйлеп, елдегі ЖҚОЛ мониторингінің заңнамалық негізі мен жүйесі және медициналық қалдықтар бойынша БҰҰДБ жобасы шеңберінде байқаусыз ЖҚОЛ (диоксиндер мен фурандар) мониторингінің тәжірибесі туралы әңгімеледі.

Тренингті ұйымдастырушылар орталық және Шығыс Еуропа елдері үшін RECETOX туралы Стокгольм Конвенциясының аймақтық орталығы RECETOX Биобанкі мен химиялық зертханасына баруды ұйымдастырды.

Бұл тренинг барлық қатысушылар үшін әрі қарай жұмыс істеу мақсатында және Қазақстанның ЖҚОЛ туралы Стокгольм конвенциясы бойынша міндеттемелерін орындау жоспарын жаңарту үшін өте мазмұнды және пайдалы болды.

Ақпарат көзі: Министерство экологии, геологии и природных ресурсов Республики Казахстан