Астанада қазақстандық мамандар үшін Қытайдың сәйкестікті бағалау ұлттық аккредитация қызметінің (CNAS) сарапшылары CNAS Jia Rujing и Han Chunxu жүргізген ISO/IEC 17043:2023 «Сәйкестікті бағалау. Біліктілікті тексеру жүргізуге қойылатын негізгі талаптар» халықаралық стандарты бойынша тағылымдама басталды.

Тағылымдаманың қажеттілігі 2023 жылы ISO/IEC 17043 стандартының жаңа нұсқасы қабылданып, аккредитация органдары мен субъектілерінің осы стандартқа көшуіне байланысты. ҚР СИМ Техникалық реттеу және метрология комитетінің Ұлттық аккредитация орталығы ұйымдастырған тағылымдама теориялық және практикалық бөліктерден тұрады және жаңа стандарт нұсқасын біліктілік провайдерін аккредитациялау кезінде қолдануды көрсетеді.

Семинарды бірлесіп өткізу туралы шешім Ұлттық аккредитация орталығы, ҚХР Мемлекеттік нарықты реттеу басқармасының сертификаттау қадағалау департаментінің басшылығы SAMR және Қытай ұлттық аккредитация қызметі CNAS басшылығының биылғы жылдың 9 шілдесінде Астанада өткен кездесуде қол жеткізген келісімдерінің бір бөлігі болып табылады.

ISO/IEC 17043 – бұл зертханалық салыстыруларды аккредиттеудің халықаралық стандарты. Зертханалық салыстырулар әртүрлі зертханалардың зерттеу нәтижелерін салыстыру және олардың зертханалық салыстырулар провайдері алған үлгілерге ұқсастығын анықтау үшін жүргізіледі. Мұндай зертханалардың біліктілігін тексеру зертханалардың қызметінің шынайылығын, құзыреттілігін және бейтараптығын анықтауға мүмкіндік береді, бұл ISO/IEC 17043 стандартының жаңартылған нұсқасын түсінудің маңыздылығын айқындайды.

ҚХР сарапшыларының қатысуымен тағылымдама өткізу осы стандартты терең түсінуге және Қазақстан мен Қытайдағы мамандардың бірдей түсіндіруіне ықпал етеді, себебі Қазақстан Республикасы мен ҚХР арасындағы экономикалық қатынастар жанданып келеді.

Оқу барысында қатысушылар ISO/IEC 17043:2023 талаптарын, зертханалардың персоналына, үй-жайларына және жабдықтарына, басқару жүйелеріне, зертханалардың құпиялылықты сақтауына, құжаттаманы басқару рәсімдеріне және зертханалық зерттеулердің басқа да сапа құрамдастарына қатысты талаптарды егжей-тегжейлі қарастырады.

Семинар 2 күнге созылады, аккредиттеу және сертификаттау саласындағы 10 отандық маман оқытылады.

Ақпарат көзі: Министерство торговли и интеграции Республики Казахстан