Жамбыл облысының аумағында табиғи өртті сөндіру бойынша тактикалық-арнайы оқу-жаттығулар өткізілуде.

Ұқсас оқу-жаттығулар халықты табиғи және техногендік сипаттағы төтенше жағдайлардан қорғау, өрт қауіпсіздігін қамтамасыз ету жөніндегі міндеттерді орындау кезінде басқару органдарын практикалық оқыту және азаматтық қорғау күштерін даярлау мақсатында азаматтық қорғаудың аумақтық құралымдарымен, шұғыл әрекет ету жасақтарымен, қажет болған жағдайда азаматтық қорғаудың объектілік құралымдарымен өткізіледі.

Осыған байланысты Төтенше жағдайлардың алдын алу және қысқа мерзімде шешімдер қабылдау, сондай-ақ азаматтық қорғаныс қызметтерінің басқару органдарының өзара іс-қимылын жетілдіру, олардың арнайы күштері мен құралдарының өрт қауіпті кезеңге дайындығын тексеру үшін Жамбыл облысының барлық аудандарында табиғи өрттерді сөндіру бойынша тактикалық-арнайы оқу-жаттығулар жоспарланып өткізілді.

 Арнайы тактикалық оқу-жаттығуға облыстың жергілікті атқарушы органдары мен ТЖД  қатысты. Оқу-жаттығуға өрт сөндіру бөлімшелерінің күштері мен құралдары, ерікті өртке қарсы құралымдар, орман шаруашылығы қызметкерлері, медицина қызметкерлері, полиция департаментінің және жергілікті атқарушы органдардың қызметкерлері жұмылдырылды.

ТАО нәтижелері бойынша лауазымды тұлғалар мен қатысушылардың өзара іс-қимылына талдау жүргізілді. Жалпы, жеке құрам қойылған міндеттерді іске асырды, сондай-ақ нақты жағдайларда тиісті міндеттерді орындауға дайын.

Жамбыл облысы ТЖД баспасөз-қызметі

Ақпарат көзі: Министерство по чрезвычайным ситуациям Республики Казахстан