Жоғары Сот Кеңесінің мүшелері ІІМ Қарағанды академиясында семинар өткізді
Жоғары Сот Кеңесінің мүшелері ІІМ Қарағанды академиясында семинар өткізді
26 сәуір ІІМ Қарағанды академиясында Жоғары Сот Кеңесінің мүшелері Ернар Бегалиев пен Олеся Цаймен кездесу өтті.
Академия курсанттарымен кездесу барысында профессор Ернар Бегалиев “Азаматтардың жекелеген санаттарын чиптеу институтын енгізу” тақырыбы бойынша баяндамасында болашақ криминалисттерді осы салада туындайтын проблемалармен, осы технологияны қолданудың артықшылықтары мен кемшіліктерімен таныстырды. Баяндама, күткендей, курсанттар мен профессорлық-оқытушылық құрамның қызығушылығын тудырды.
Жоғары Сот Кеңесі мүшелерінің Академияның профессорлық-оқытушылық құрамымен кездесуі де жоғары деңгейде өтті. Онда Олеся Цай жоғары санатты заңгер болу жолын, сот органдарының қызметіндегі ҚР Жоғары Сот Кеңесінің рөлі туралы айтып берді. Презентациялық нысанда судьялар лауазымына үміткерлер үшін біліктілік талаптарын көрсетті, сот корпусына ғылыми қызметкерлерді тартудың практикалық қажеттілігіне назар аударды.
Академия қонақтары мен қызметкерлері қол жеткізілген нәтижелерге қанағаттанып, кездесулерді осы форматта жалғастыруға ниет білдірді.
ІІМ Қарағанды академиясының баспасөз қызметіАқпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
