Бүгін Жоғары Сот Кеңесі жанындағы Сот жюриінің отырысы өтті, онда жергілікті соттардың 8 судьясына қатысты тәртіптік істер қаралды.

Отырыс қорытындысы бойынша Қостанай және Алматы облыстарының аудандық соттарының 4 судьясына ескерту түрінде тәртіптік жаза қолданылды. Түркістан облысы аудандық сотының судьясы сөгіс түрінде тәртіптік жауапкершілікке, Алматы қалалық сотының судьясы судья қызметінен босату түрінде тәртіптік жауапкершілікке тартылды.

Қылмыстық істерді қарау кезінде заңдылықты өрескел бұзу және судьялардың этикасына қайшы келетін теріс қылық жасау жаза қолдануға негіз болды.

Сот жюриінің шешімдері заңды күшіне енген жоқ, өйткені тәртіптік жаза қолданылған судьялар оларға Жоғары Сот Кеңесіне шағымдануға құқылы.

Сонымен қатар, тәртіптік теріс қылық құрамының болмауына байланысты Алматы қаласы аудандық сотының судьясына қатысты тәртіптік іс жүргізу тоқтатылды.

Жамбыл облысы аудандық сотының судьясына қатысты іс жүргізу оның бұрын өз қалауы бойынша судья қызметінен босатылуына байланысты тоқтатылды.

Жоғары Сот Кеңесінің Аппараты

Ақпарат көзі: Қазақстан Республикасы Жоғары Сот Кеңесі