Бүгін Жоғары Сот Кеңесі жанындағы Сот жюриінің отырысы өтті, онда жергілікті соттардың 11 судьясына қатысты тәртіптік істер қаралды.

Отырыс қорытындысы бойынша Ұлытау, Қостанай және Алматы облыстары аудандық соттарының 3 судьясына ескерту түрінде тәртіптік жаза қолданылды. Алматы облысы аудандық сотының судьясы сөгіс түрінде тәртіптік жауапкершілікке тартылды.

Азаматтық және қылмыстық істерді қарау кезінде заңдылықты өрескел бұзу жаза қолдануға негіз болды.

Сот жюриінің шешімдері заңды күшіне енген жоқ, өйткені тәртіптік жаза қолданылған судьялар оларға Жоғары Сот Кеңесіне шағымдануға құқылы.

Сонымен қатар, тәртіптік теріс қылық құрамының болмауына және оның елеусіздігіне, сондай-ақ қызметінен босатылуына және Жоғарғы Cоттың апелляциялық сатыдағы үкімнің күшін жоюына байланысты жергілікті соттардың 7 судьясына қатысты іс жүргізу тоқтатылды.

Жоғары Сот Кеңесінің Аппараты

Ақпарат көзі: Қазақстан Республикасы Жоғары Сот Кеңесі