Атырау облысы Терроризмге қарсы комиссиясының қолдауымен, «Жәрдем-Атырау» КҚ-ның ұйымдастыруымен Атырау облысы ТЖД «ӨС және АҚЖҚ (Атырау қаласы)» РММ-ға және «ҚР Ұлттық ұланының 5546 әскери бөлімі» Республикалық мемлекеттік мекемесінің әскери қызметшілеріне «Зиянды әдеттерден аулақ бол!» және «Радикалды ағымдардың таралуының алдын алу» тақырыбына АТТ мүшесімен, «Жәрдем-Атырау» КҚ-ның теолог-маманы Мұстафаев Мұратпен кездесу өткізілді.

Теолог-маман жиын барысында қоғамда белең алып жатқан зиянды әрекеттерге бару, радикалды ағымдардың зардабына ұрыну, отбасылық, қоғамдық мәселелерге ерекше тоқталып өтті.

Әлеуметтік желілерде өздерінің теріс идеологияларын насихаттау мақсатында дәстүрлі дінімізді бұрмалап жүрген уағыздаушылар туралы ақпарат беріп, сақтықпен қарау қажеттігін ескертті.

Сонымен қатар діни сауаттылықтың, ұлттық құндылықтардың сақталуының маңыздылығы түсіндірді.

Жиында теолог-маман зайырлы қоғам мен дінге тоқталып, ғаламторды пайдаланудағы қауіпсіздік туралы тарқата келе құқық бұзушылыққа жол берілген кезде қолданылатын әкімшілік шаралар жайында ақпарат берді.

Материал Атырау облысы бойынша ТҚК

аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы